藝人任達華本月20日喺中山出席活動期間遇襲受傷，被送往當地醫院並接受手術，即晚送返香港繼續治療，並再接受一次跟進手術，經過五日治療休養後，今天終於可以出院啦。
任達華出院嗰陣着住運動服、右手厚厚地包紮住並束咗護臂帶，但佢精神奕奕，更不停揮手！精神狀況睇落相當之好，放心曬〜
今午一時左右，任達華喺經理人陪同下離開醫院，近百傳媒在場採訪，佢多次感謝中港兩地醫護人員對佢悉心嘅照顧同埋英皇公司悉心嘅安排，仲好多謝大家對佢嘅關心。
任達華對大家的關愛，真的非常感激，尤其係佢屋企人同個女。完成廣東話、國語訪問之後，再以廣東話講：「咁多人悉心照顧，令我可以慢慢康復，依家隻手都需要啲時間（去康復），因為（傷及）神經線要一段時間要去復原。」祝你早日康復呀！
任達華仲未完全康復，但已經心急想開工：「希望可以盡快康復之後，可以繼續拍番戲，因為我好鍾意拍戲。」休息多一排先好喎！
（on.cc）
