【食咩都嘔 網民留言打氣】黎諾懿仔仔小春雞嘔到胃抽筋

藝人黎諾懿2014年與前港姐李潔瑩(Nicole)結婚,婚後育有囝囝小春雞(黎峰睿),一家三口相當幸福。

二人不時將仔仔小春雞的可愛生活照上載到社交網同大家分享。

不過昨日Nicole上載小春雞沒精打彩、躺在梳化上的相片,並發文表示囝囝感到不舒服,不少網民都留言為小春雞打氣。

東網聯絡上黎諾懿,他表示:「因為囝囝咳咗成個月,諗住畀啲化痰嘢佢食,等佢咳啲痰出嚟,點知佢就嘔咗啲痰出嚟,但就嘔到胃抽筋,食咩都嘔,跟住帶佢睇醫生,令佢個胃放鬆番。依家好返啲嘞,所以見佢瞓咗喺梳化睇電視囉。」

黎諾懿透露早前一家人到日本旅行,囝囝當時已經帶病在身…

他說:「因為家族每年都會去日本旅行,今年去北海道,因為太太個大嫂係日本人,所以每年都會過去玩,但今年囝囝今次就帶病過去,要病住玩,所以佢比較扭計,我哋就要辛苦啲照顧。」

希望小春雞早日康復!

 

 

 

 

 

(綜合報道 / on.cc)