藝人鄭希怡（Yumiko）近日一家人去日本旅行，她在社交平台分享她與囡囡「梁浸浸」搭摩天輪的體驗，她問初次搭摩天輪的「梁浸浸」驚唔驚？「梁浸浸」即冧爆謂：「唔驚，因為媽咪喺度，Avery（梁浸浸）唔驚！」氹到Yumiko甜入心！連黃翠如同呀sa都俾「梁浸浸」冧到，留言「too cute」「冧死人」。Yumiko仲覆翠如「u should have one」，唔知幾時到翠如有喜訊呢？
但相隔一日，Yumiko又再發文，她寫道：「我離隊兩日，畀爸爸感受吓同佢獨自相處，以為會知道媽咪在的重要性，點知……冇！仲教識咗佢踩單車，真係……激死我啦！」更Hashtag「不要太高估自己」，一眾網友都笑爆嘴，好友容祖兒即安慰謂：「但係坐摩天輪嘅時候有你喺度先唔驚喎。」
