【荷蘭好玩】如果…馮盈盈結婚生仔 麥明詩自爆爸爸退休仍要搵錢供樓

    麥明詩(Louisa)及馮盈盈今日宣傳節目《荷蘭好玩》,盈盈盈盈笑指若收視過40點便結婚,過50點便生仔;Louisa就話過40點會再拎成績單影多次當年嘅十優相片,過50就會全副身家買tvb股票咁話。

    問到會唔會擔心喺週日播放影響收視?Louisa笑說:「知道大家每個星期日都很忙,『工作』重要,所以輪不到我們擔心,每個人做好自己本份。」佢又解釋在節目中黑面為求營造效果,應監製要求窒盈盈,笑認不敢得罪盈盈的粉絲,2人在現實中是老友。

    盈盈更自爆兩人為拍節目肉帛相見,在同一廁所換衫,但就冇比較身材咁話,Louisa就笑講:「大家心知就得,不用在別人傷口灑鹽,哈哈!」

    此外,Louisa仲大賣廣告話爸爸日前榮休,但就有意幫佢開補習班,又講笑咁講:「屋企剛剛買了樓,經濟壓力很大。(傳你買了3間。)屋企私隱不說了,總之阿爸退休了都要幫手搵錢啦,哈哈!」

    SHARE