歌手許志安之前因出軌事件而取消9月紅館演唱會，檔期最後由藝人張致恒（Steven）、關智斌（Kenny組成嘅組合BOYZ人紙申請取得，並鐵定9月14日喺紅館舉行二人入行16年嘅第一個紅館演唱會。
不過，昨日突然爆出Steven連串桃色事件，舊愛梁皓恩喺IG表示想尋死，之後又出現網友自稱「女受害者」，令Steven形象再次跌至谷底。英皇啱啱發布消息，宣布擱置BOYZ喺9月嘅演唱會。
英皇表示今次演唱會「擱置」原因，主要喺Steven應該有好多事情要處理，唔能夠以最好嘅狀態去準備今次演唱會同埋綵排，所以寧願先取消，唔想影響演唱會的嘅質素。
Steven今次連累埋好兄弟Kenny紅館騷擱置，身在泰國布吉嘅佢終於拍片講出自己感受，原本同Steven為演唱會拍嘢，依家拍檔走咗離佢而去，Kenny愈講愈感觸，話紅館騷係佢等咗十幾年嘅願望同夢想，所以取消咗真係好唔開心。
不過一講到Steven令佢紅館夢碎，Kenny就含住淚譴責：「佢係我好兄弟，我相信佢要為咗自己嘅行為負番責任！」Kenny又話同門嘅古巨基、蔡卓妍等都有打電話畀佢慰問，仲話Steven已經潛水，自己都搵唔到佢。Kenny要Cheer Up呀，希望在明天，會有下次機會㗎！
（on.cc）
