【網紅女友黃子菲宣布有喜】楊政龍:很感恩!

    較早前傳出樂壇天后容祖兒秘撻英皇集團主席楊受成33歲細仔楊政龍(Alex),不過祖兒已經作出否認。

    有消息指Alex其實已經有女朋友,對方仲係網紅黃子菲(Ava),兩人近日被爆同一班朋友飛到新加坡旅行。

    而佢哋同行嘅朋友當中,有人上載大合照,一張見到Ava翹住Alex手臂,另一張就係Alex用雙手攬住Ava,兩人似乎熱戀中。其實佢哋朋友亦曾上載有兩人同場嘅大合照,當時兩人並肩而坐。

    翻查Ava嘅社交網,今年27歲嘅佢樣靚身材正,經常曬身材,當中不乏性感比堅尼相,同埋Ava雖然年紀輕輕,但19歲時同一名大律師結婚,可惜兩年後離婚,不過失婚嘅佢明顯不愁寂寞,依家仲爆出新戀情。

    尋日(28日)Ava喺IG宣布懷孕消息,非常驚爆!佢曬出同Alex啜啜嘅合照,並留言:「我懷孕了,藏在肚子的秘密,很開心可以告訴大家!感恩我們快當爸媽了!這份喜悅實在難以言喻,緣份讓我們擁有愛情結晶,往後的日子我們一起努力!」恭喜曬〜

    而Alex就冧豬留言:「很感恩」回應傳媒嗰陣表示:「很開心跟大家宣布女朋友Ava有了BB,暫時照顧好女朋友及BB健康為先,多謝大家的祝福!」容祖兒都衷心送上祝福:「yeahhhhhh!!!!!! 我做小姑媽啦!」

     

    (on.cc / Instagram)

    SHARE