【重修舊好五年】文章馬伊琍最終宣布離婚

    曾主演電影《西遊.降魔篇》、《失戀33天》嘅35歲大陸男星文章尋日(28日)喺微博發文,宣布同43歲女星馬伊琍離婚:「吾愛伊琍,同行半路,一別兩寬,余生漫漫,依然親情守候。」

    隨後馬伊琍都發文:「你我深愛過,努力過,彼此成就過。此情有憾,然無對錯。往後,各生歡喜。 」

    文章同馬伊琍於2008年結婚,育有10歲及5歲兩名女兒,呢對姐弟戀夫妻其實從一開始就唔被睇好,到咗2014年文章被揭出軌,同女藝人姚笛合作並且戲假情真。新聞爆出嗰陣,馬伊琍正懷二胎,文章事業隨即一落千丈,但及後佢獲馬伊琍原諒,兩人都重修舊好。

    馬伊琍當時以「且行且珍惜」回應事件。五後後,兩人最終決定分開,有指原因係文章再度約會姚笛所致。而早前馬伊琍生日嗰陣,文章不但無現身慶祝,連公開送生日祝福都無。

     

    (on.cc)

    SHARE