【馬國明唐詩詠成亮點】林子善太太首曬五個月孕肚

無綫劇集《鐵馬尋橋》由2010年拍攝播映至今,劇中的「鐵馬家族」依舊感情要好,完劇多年仍不時會相約飯聚。

鐵馬家族感情要好,不時相約食飯。

雖然無真正的血緣關係,但感情亦深厚得像真兄弟姊妹一樣,兩位「呀哥」林子善和鄭嘉穎結婚,大家都一口答應擔任兄弟。

昨晚他們又一齊飯局,不過獨欠大哥鄭嘉穎。飯局中,除了四兄妹外,還有林子善的佗B太太和黃嘉樂女友,兩位兄弟都攜眷出席。

這次的飯局估計是爲了慶祝林子善兩公婆將榮升父母,子善其後在社交網貼大合照,並留言︰「多謝二哥請食飯,開心可以好簡單,都話多謝二伯。」而二哥就是馬國明,相信是由他請客。

兩人分別貼相後,另一個亮點就是馬國明和唐詩詠,不少網民留言想撮合二人留言︰「快點撮合一下右邊兩位」、「馬唐一對情侶,登對絕配」、「好sweet!如果真的是3對情侶就好了」。其實馬國明和唐詩詠,早前在劇集《白色強人》演夫妻,加上馬國明又回復單身,再者唐詩詠早前強調與補習天王陳思銘,只是朋友非情侶關係,難怪網民一直都熱衷做紅娘,希望成功撮合二人。

呀嫂首曬孕肚,五個月四肢依然纖細,佗得好靚啊!

林子善太太佗B近五個月,即將榮升爸爸的他早前為了造人成功,戒煙9個月。

在父親節宣佈太太佗B女,預產期為12月。即將升任爸爸的他非常開心,接受訪問時更笑到合不攏嘴,開心跟大家分享老婆懷孕情況:「佢好容易作嘔,試過有日放工返嚟話我聽,有同事隻腳好臭,因為佢嘅工作要換制服,可能只係有少少味佢已經頂唔住。」

數日前有份錄影節目《流行經典50年》,他再講述太太現時情況:「之前佢流鼻血,我梗係緊張,但睇醫生話其實都係正常,咁我太太好硬淨,又唔會周圍去,所以都穩陣嘅。」

希望林子善老婆同B女都一切平安,健健康康!

 

 

 

 

 

 

 

 

(綜合報道)