【網民鬧爆】歲半B反鎖房中冇曬聲 港媽搵網民唔搵開鎖佬?

無論發生咩事,網路大神都可以解決到所有問題?

近日就有港媽因小朋友意外反鎖在房間,在社交網站發文求助,遂惹來網民批評。

(網絡圖片)

有港媽上周四(25日)在Facebook群組「Oh yes 有得整」發貼,指自己年約一歲半的小朋友意外反鎖在房間裏,向網民詢問解救方法:「除咗叫開鎖佬,仲有咩方法,屋企冇髮夾」,又指:「小朋友喺入面冇咗聲,可能瞓咗」。

網民紛紛熱心提供意見教港媽開鎖,但就有不少人斥責港媽應馬上尋找開鎖匠或消防員幫忙:「入面冇咗聲,你唔驚佢爬窗㗎?仲要樂觀咁諗可能佢瞓咗?仲有時間上嚟問?」

事隔約一小時後,港媽補充指:「依家已經叫咗開鎖佬,開緊。因為係幾十年前嘅日本鎖,好實淨,都搞咗好耐」。

有網民就撐呢位媽媽:「有冇諗過唔係錢嘅問題,人哋可能想快速開,開鎖佬都唔係隨傳隨到啫」、「問吓都要公審?等開鎖佬嚟都要時間」、「兩邊同時進行都得啫」。