內地歌手李榮浩上個月向女友楊丞琳求婚成功，宣布成為未婚夫婦。
不過大陸文化和旅遊部宣布今日（8月1日）起暫停47個城市的大陸居民赴台個人遊試點，即係大陸同胞唔可以去台灣自由行喇！當地旅遊業界都叫苦連天。
不過原來更傷心嘅係似乎係呢對苦命鴛鴦。當時李榮浩同楊丞琳仲讚嘆緊二人守得雲開之際，忽然嚟個「禁台證」，搞到網友都擔心李榮浩去唔到台灣見未婚妻，「李榮浩怎麼去台灣」上咗微博熱搜，真係有心！
有網友就突破盲點指依家係禁「個人遊」，如果李榮浩報名參加旅行團過台灣，就易辦好多。加上佢本身簽台灣公司，都可以申請工作簽證。或者楊丞琳返大陸，兩人同樣可以見面。
希望兩人快啲領證結婚成為正式夫婦，咁就唔洗分隔兩地啦〜
（綜合報導）
