嚟到暑假，一班唔使返學嘅小朋友成日留喺屋企，最頭痛一定係家長，因為要幫小朋友安排有乜節目，等佢哋唔洗無所事事，上興趣班？去旅行？全部都唔平喎。。。有咩活動平平地又可以消遣吓？真係諗到頭都大埋！
而有四個小朋友嘅藝人陳浩民就提供咗好好一個方法，可以足不出户之餘，用幾蚊雞就可以同小朋友玩足一日！
陳浩民喺微博PO相，分享佢同四個小朋友喺屋企扮緊恐龍。
佢留言話：「幾十塊錢買了個紙板恐龍全家人都開心，按人頭算一人才幾塊錢，所以只要花點心思，快樂，幸福真的不需要太多花費，一家人齊齊整整最重要。」
買紙板恐龍返嚟，同小朋友由砌到喺上面畫吓公仔，跟住再一齊玩，轉吓眼一日就過咗〜
除咗可以訓練吓小朋友嘅手靈活度同俾佢哋發揮吓創意，仲可以享受親子樂，玩紙板恐龍既環保又慳錢真係一舉多得！
（on.cc）
