唔知大家仲記唔記得何健威呢個名，其實佢喺幾部林正英主演嘅殭屍片入面飾演「殭屍仔」一角嘅小朋友！近年網上流傳雖然何健威當時爆紅大受歡迎，不過因為拍得太鬼片撞邪，無奈消失於人前，加上連工作人員都冇人知道佢嘅近20年嘅情況，令到傳聞更加撲朔迷離！
呢個謎團去到近期就有人破解：「威哥現在依然在我們身邊。」
何健威接受訪問時表示冇諗過隔咗咁多年仲有人記得佢，當年選擇離開演藝圈，係因為覺得殭屍仔唔可以演得長久，同埋要專注學業，所以先至會突然銷聲匿迹。佢讀完書之後報考消防員，喺近照睇到佢操練出猛男身形，有齊胸肌加六舊腹肌，而且已經成家立室育有兩位兒子，一家四口過住平凡又幸福嘅生活。
