【超級媽媽】陳茵媺一拖三狂奔趕飛機:抖唔到氣喇!

    藝人陳茵媺(Aimee)最近獨力帶三個仔女返加拿大放暑假,日日都過得好充實!

    呢日佢哋就搭飛機離開加拿大,但過程相當驚險!Aimee分享咗張同三個仔女嘅合照,並透露因為安檢條隊特別長同慢,所以佢哋依家要瘋狂咁狂奔去登機閘口!

    佢仲話希望三個仔女喺飛機上聽聽話話,亦好自豪就算安檢嗰陣等咗好耐,仔女都好耐心等待。

    而過咗一陣,Aimee就再拍片報平安,話畀大家聽佢哋總算趕得切上機,仲話拎住啲袋同推住架BB車狂奔令佢抖唔到氣!

    網友都大讚佢犀利,仲封佢為Supermom添!

     

    (on.cc)

    SHARE