【朱千雪出嫁】閨蜜岑杏賢自爆由頭喊到落尾

早前到峇里出席朱千雪婚禮的岑杏賢,自爆當日「喊包」上身,喊足全程,極爲感動:「嗰日真係好開心,好難忘同好感動,忍唔住喊做咗喊包,我當晚做司儀,睇番之前喺愛爾蘭影嘅婚紗相,都忍唔住流淚!」

她還透露千雪結婚當日,雖然有下雨,但就沒有影響婚禮:「好好彩,我哋喺教堂出面影晒大合照之後,先開始落雨,影相嘅時候非常好太陽,好好運。」

談到一對新人於愛爾蘭影的婚紗相,全由她操刀,原來當時都擔心過天氣不佳:「我哋上個月去愛爾蘭,當時天氣報告話成個星期都會落雨,我哋都好擔心,因為會影好多戶外相,冇太陽啲相都冇咁靚,好彩去到之後,每一日都出太陽,影到好靚嘅相!」

閨蜜岑杏賢續說:「我最開心一對新人都好喜歡我影嘅相,始終我唔係專業,只係對攝影有興趣,想當禮物送畀佢哋,所以飛去愛爾蘭同佢哋影Pre-Wedding。」

有閨蜜擔當攝影師,當然放心曬,因爲一定會影到自己最靚一面!(更多靚相:https://bit.ly/2MabSA3

 

 

 

 

 

 

(綜合報道 / on.cc)