藝人宋熙年（Sarah）早前宣布離開無綫，前日（9日）係Sarah 34歲生日大日子，當然係同兩位愛人老公陳智燊（Jason）同囝囝Damon慶祝啦！
日頭一家三口齊齊切生日蛋糕，相中Jason錫老婆，而Sarah就錫囝囝，畫面十分溫馨。直至夜晚兩公婆撇甩囝囝，出去食燭光晚餐享受二人世界，相當恩愛！
壽星女其後喺社交網上載一家三口嘅相片，並以英文留言：「隨着歲月的流逝，我對生活中的簡單事物愈感激…」相信Sarah呢個生日有老公同囝囝嘅陪伴，過得好滿足！
而Jason就以英文留言多謝老婆：「謝謝你給我一個完美的家庭，謝謝你照顧我和Damon。」仲大讚Sarah係「The Best Wife」同「The Best Mum」，冧爆老婆！
（on.cc）
