【與老公分隔兩地冇問題】陳法拉:可以去做自己鍾意做嘅事

陳法拉早前與相戀三年多的男友Emmanuel Straschnov在法國拉埋天窗,但婚後不久,法拉就馬不停蹄開始工作,經常與老公Emmanuel分隔兩地。

呢日法拉就回港為美妝品牌拍廣告,今次拍攝以家居護膚為主題,十分適合剛開展新婚生活的法拉。對於新婚不久就分隔異地,法拉就話唔喺太大問題:「由初相識到現在,我和他每天都會WhatsApp或者視像通話。有時兩人相處給予大家空間都是好事,可以去做自己喜歡的事,然後大家可以有多些話題分享。」

連續幾日嘅廣告拍攝,令法拉疲於奔命,仲搞出一個甜蜜笑話:「有晚放工真的很累,躺在牀上都未打完個信息就睡著,結果老公用中文傳訊息給我:『你喺唔喺到? 』『點解冇人睬我嘅?』 『你忘記我了!』。」Emmanuel咁緊張法拉,唔怪得法拉咁sweet喇!

做佐人妻嘅法拉,除佐緊張自己皮膚保養外,仲會照顧另一半的日常護理,法拉表示:「其實老公都喜歡用護膚品,所以他的皮膚都幾好,有時還會偷用我的護膚品。」