【搶閘為囝囝慶生】林子博搞到眼濕濕

日前藝人林子博正式上台，與兒子卓楠及拍檔羅敏莊等演出舞台劇。

由於演出日期撞正卓楠10歲生日，子博就預先為卓楠舉行生日會慶祝，並邀來卓楠的好朋友及同學仔參加。

子博更特意為兒子準備型爆「食雞」蛋糕，氹到壽星仔開心到爆！

卓楠派對後仍回味無窮，並向子博說：「我今日真係好開心，唔係因為收到禮物，而係有好多同學同朋友同我一齊。多謝你同媽咪生我出嚟，我先過到咁好嘅日子。」囝囝咁生性，搞到子博感動到眼濕濕添。