【夏萍離世】胡楓:佢係男仔頭好玩得

資深演員夏萍因病離世,享年81歲。

好友胡楓自50年代於粵語片年代開始與她相識超過半世紀,對於好友辭世,胡楓接受電話訪問表示:「啱啱先知(夏萍死訊),梗係唔開心啦。知佢病咗好耐,但自從佢入老人院住後大家少咗聯絡,我都唔知去邊探佢。(印象中有乜相處點滴?)同佢拍戲好好玩,佢係男仔頭一名,講笑呀乜都得。(問候佢家人?)我同佢屋企人唔熟,但出殯點都會去鞠躬,送佢最後一程。」

廣告

另外,藝人曹永廉與前輩夏萍曾多次合作拍戲,對於對方辭世,阿廉回應:「年前我同佢啦、吳啟華等合作拍攝《純熟意外》,當時佢已經唔係好睇到劇本,不過只要讀一次對白畀佢聽,佢已經記到同做到,同佢合作好開心,係一個好好爽嘅人。」

廣告

梁競徽則說:「同夏萍姐拍過好多套劇、演個佢個孫,有時會載佢返工、接埋佢收工,聽到消息覺得好突然,希望佢安息,觀眾朋友會永遠記得佢。」

與夏萍姐合作電影《歲月神偷》飾演兩嫲孫的藝人李治廷,在社交網上留言悼念:「您永遠是我們歲月神偷裏最有愛的奶奶!我會想念偶爾飲茶偶遇您所感受到的溫暖。想念」

而夏萍最後一套演出作品,是與陳展鵬等合拍電視劇《城寨英雄》。當時拍檔之一的劉佩玥回覆記者表示:「好感恩及榮幸同佢合作過。佢好可愛,記得我哋有日開廠連續拍好幾場,佢仲好精靈同劇組有講有笑。」

(on.cc)