【小鳳姐上身！】JC囝囝匿裙底 玩到見牙唔見眼

已為人母的名模Jessica C.（JC）自從生佐一對仔女後一直在家相夫教子，甚少露面。

近日佢就上載佐同囝囝Elvis一齊玩嘅短片，見到JC着上吊帶連身長裙，個頭一直向下望。望真啲裙底有對腳仔？

原來Elvis匿埋咗喺媽媽裙底，當JC拉起長裙後，Elvis知道媽媽搵到佢，即刻開心到見牙唔見眼，仲拍掌添。

唔少網民都諗起當年徐小鳳演唱會，小朋友喺巨型燈泡裙內「捐」出嚟嘅一幕，仲話「Elvis大個仔喇」、「識得同媽媽玩啦」、「佢笑得好可愛」！