【35度】俾阿仔烈日當空捉去行山 曹格大呻好熱

馬來西亞歌手曹格向來係廿四孝爸爸，只要一唔使開工，就會陪仔女周圍去。

天氣好時同陽光玩遊戲固然開心，不過尋日台北最高氣溫約35度，中午時分天氣火辣辣，曹格同大仔Joe竟然選擇烈日當空下去行山，兩父子最終行到身水身汗！

不過曹格就話其實佢係畀阿仔逼，仲大呻真係好熱：「哪有人中午爬山的？！ 有！ 我兒子！被抓去爬山⋯⋯⋯熱死我了⋯⋯ 真的很很很熱！！ 」

好多網民都叫佢哋小心中暑！

（on.cc）