【米芝蓮伯伯曬肉】孖吳日言母女玩水 林芊妤唔夠囝囝搶鏡

    林芊妤(Coffee)與吳日言老友鬼鬼,兩人連生B的時間也相近。兩人相繼喺上年10月誕下仔仔「伯伯」翟德彦和11月誕下女兒Beatrice。

    兩位靚媽捉緊夏天的尾巴,帶埋自己的小朋友相約到泳池玩水,吳日言把囡囡打扮得紅噹噹,頭上配上一個大大蝴蝶結,cute到爆。而coffee就比基尼上陣,但都唔及仔仔「伯伯」搶鏡。

    Coffee在社交平台上載了兩張照片跟大家分享,一張是四人合照,另一張則是她與吳日言去年拍下的孕照,她留言:「我地(哋)游水嚕 原來上年夏天呢個時候都係我地(哋)4個😍」不少網民都話「伯伯」好好肉地!

    SHARE