【小黃妃一個月增至__磅】黃澤鋒陳麗麗囡囡有中文名喇

黃澤鋒上月初獲52歲老婆陳麗麗高齡為他剖腹生了囡囡「小黃妃」,囡囡都已滿月,太太亦坐完月,其間她更親自湊BB。

陳麗麗產後得到表妹幫手照顧BB,她主力餵人奶,還未試過幫囡囡沖涼,陳麗麗今日接受《蘋果日報》訪問時說:「因為我開刀生,傷口未好,唔可以踎低同囡囡沖涼,又唔濕得水,遲少少就得。」

陳麗麗近日幫老公搞拳賽,她有把小黃妃寄住表妹家中過夜,她說:「表妹餵囡囡夜奶,佢有曳曳扭計,『蝦』人囉。」出世時才6磅的小黃妃,現在一個多月已增到9磅,陳麗麗說:「佢初生時有黃疸,健康院有叫佢入院,但我帶佢睇兒科話可以唔使入院,而家冇事了。」

陳麗麗表示囡囡性格好急:「唔熱得、唔凍得、唔餓得、唔等得,心急性格似足爹哋。」兩夫婦今日去替囡囡拎出世紙,並為她改名黃熙恩。

講到囡囡名字,陳麗麗說:「熙恩呢個名中性啲,熙字係康熙嘅熙,沾吓光,熙字有陽光同活力意思,希望佢長大可以照亮人;恩字有感恩意思,當中有愛喺裏面,我哋改呢個名,有畀晒雙方家人投票決定,囡囡英文名,我哋想畀佢大咗自己揀,而家叫住佢Miracle。」

 

 

 

 

 

(綜合報道 / appledaily)