藝人江若琳（Elanne）去年同老公「生煎包王」蕭潤邦（Oscar）結婚後，一班好友都好心急想收到佢哋造人成功嘅喜訊。
昨日Elanne就突然上載咗兩張抱B照，第一張見Elanne一邊嘟嘴一邊用手指摸吓個BB面珠，睇相都Feel到佢母愛氾濫！
另一張就笑容滿面，似乎好享受呢個時刻！B女超可愛啊！
唔通Elanne已經生咗個得意B女？有唔少網民都好似小編咁諗，以爲輪到Elanne秘密誕女。
不過Elanne就立即澄清個BB唔係佢嘅，又話好羨慕人哋嘅BB好湊，抱抱吓就瞓着咗，仲問網民「這個BB可愛嗎？」
不過一眾網民梗係唔會放過任何「催生」嘅機會，紛紛回應「你幾時同老公生番個呀？」、「你生嘅BB一定好可愛」。
(綜合報道 / IG)
