港姐十位決賽佳麗昨日出席記者會，4號姚懿芠及8號古佩玲都有接受訪問。
姚懿芠被爆讀書時感情生活多姿多采，與TB拍拖之外，亦不斷「收兵」，更被指聯群結黨欺壓同學。
她回應：「中學時拍過兩、三次拖，TB只係我啲好朋友。（同TB冇拍過拖？）好朋友囉！」對於收兵一事，她坦言性格向來男仔頭，鍾意同男同學打機，可能會引起啲誤會，她又否認有欺凌同學，一定沒有。
而古佩玲被指其父是內地前幹部，她坦言見了報道很震驚，指父母及哥哥都是土生土長，父親做生意。
問到父親有否曾說以前於內地做幹部，她答：「爸爸做生意，唔清楚佢喺以前做過乜。（爸爸以人脈幫你拉票？）咁叫朋友、親戚好正常啫，其他就唔清楚嘞！」
