藝人陳嘉寶（Anjaylia）年初宣布誕下愛女黃恩言（Hosanna），Keep住做運動嘅Anjay好快就回復生之前嘅身形！
Anjay喺社交網上載一張用菲林影嘅相，着住一件頭泳衣嘅佢，真係唔似有生過，好有少女味。
佢留言：「忽然又回到了愛用菲林的年代了。也許只是因為我們在想念那美好的舊日時光。時針不會倒退，但一切定將更為美好。只要相信。就讓我們一起相信。」
唔少網友話用菲林影相，完全係冇得執相，但佢仍然都係零肥肉，大讚佢真係得天獨厚，好羨慕佢咁Fit呀！
原來佢生完之後有Keep住做運動收身！
（on.cc）
