【何超盈提早開刀誕女】四太爆料:佢生前一個月好辛苦

賭王何鴻燊四房女兒何超盈宣佈誕下B女「荷包蛋」…

四太梁安琪接受東網訪問時興奮地說:「超盈係今日(昨日)開刀生,BB八磅幾啦!有好多頭髮。(似邊個?)管家珍姐第一時間攞番超盈細個時本相簿出嚟對照,BB女眼仔睩睩似足超盈,BB女係一個包,媽媽係個大包,佢係個小包…」

四太說:「我好理解超盈嘅心情,佢生前一個月好辛苦,體重不斷增加,每隔一段時間就以為自己生得,又要入院檢查,令心情好緊張,依家生咗,終於可以放下心頭大石,呢種感覺一定要做咗媽咪之後先會感受到。」

四太指超盈在生産前的緊張程度接近沸點,在早上入院開刀前,她去了找四太和賭王,當時二人還未起床,超盈憂慮得大哭起來,哭聲把二人弄醒了,之後得到賭王和四太安慰後心情才平復下來。

何家上下都為超盈B女的降臨感到興奮,四太說:「呢個係我第一個孫,當時家人都嚟齊晒,連親家都嚟埋,産房外面變得好熱鬧。(你心情如何?)當然興奮,依家啲人叫我一聲婆婆我都不得不認老喇!依家要關注教養BB,真係唔簡單。」

再次恭喜超盈誕下B女,為何家添了第一個孫!希望她和B女身體健康~

 

相關新聞:

【何超盈提早開刀誕重磅B】老公辛奇隆爆超盈喊得仲勁過BB https://bit.ly/2Uc7OjX

 

 

 

 

(綜合報道)