【原來係佢!】陸浩明為佢加冕:2079年港姐冠軍 

藝人陸浩明(6號)今年會繼續為港姐決賽擔任司儀,而佢日前就與女友陳詩欣齊齊拍片玩港姐加冕!
6號先為參選號碼6號嘅女友戴上后冠,再將權杖交畀佢,笑指佢係2079年港姐,芳齡6歲半,職業係發白日夢,志願係每日環遊世界!
女友陳詩欣亦陪佢癲埋一份,表現相當受落,仲笑晒口好似真係得獎咁,相當搞笑。
而6號最後都玩埋一份,戴上后冠、攞住支權杖,然後擺出港姐招牌叉腰Pose,抵死咁話:「多謝!多謝!」佢又留言:「如果我係港姐評判嘅話⋯⋯你仲唔係冠軍😂?你係冧巴One」
(綜合報道 / on.cc)