【有網民留言恭喜】林志玲老公AKIRA宣佈9月初有大事公佈

藝人林志玲六月時宣佈與EXILE成員AKIRA閃婚,令不少網民振奮同開心!
之後林志玲話好心急當媽,仲話想要龍鳳胎添!
呢日佢老公喺微博留言話:「9月初將有一個重大發表…敬請期待!」
講到咁緊要,唔少網民推測會唔會係宣布有BB呢個消息,計番時間離結婚三個月有多,都係時候可以宣布「有喜」呢個消息,唔少網民都留言預祝女神做媽咪!
加上林志玲早前被爆到台大兒童醫院嘗試做「三代試管」有望明年榮升媽咪。
不過睇清楚啲AKIRA嘅留言,佢Tag咗服裝品牌,相信公布嘅消息應該同代言服裝有關。究竟係咩好消息,就留待AKIRA正式公佈喇!
(綜合報道 / on.cc)