【爲囡囡慢速揸車被截停抄牌】林心如老公霍建華:我失業很久了

    台灣女星林心如同霍建華成婚後育有囡囡「小海豚」,呢日佢出席活動時,大爆老公係超級女兒奴…
    無論乜事都會就晒囡囡,就算要幫爸爸紮辮,霍建華都會坐定定畀囡囡做實驗,趁住心如開工就會帶囡囡去唔同嘅地方玩,仲會靜靜雞畀雪糕、薯條呢啲「違禁品」畀囡囡食,試過有一次車囡囡出行時,因為擔心開得太快嚇親寶貝女,結果揸得太慢被警察截停抄牌好搞笑!
    心如仲話女兒小海豚係個醋酲仔,佔有欲非常之強。就算佢抱吓其他小朋友,小海豚都會唔鍾意要爭住媽咪抱抱,平時出門返工,囡囡都會話唔畀叫爸爸去代替,霍建華就搞笑答話:「我失業很久了。」
    有網民推測係因為受到早前嘅「限台令」影響,所以一向好多接拍內地劇霍建華先至會變待業人士,突然間有好多時間陪囡囡四圍玩。
    (綜合報道 / on.cc)
    SHARE