【囡囡個頭…】JJ賈曉晨公開「投訴」樊少皇:大家評評理!

藝人賈曉晨(JJ)同老公樊少皇育有寶貝女「小飯兜」,差唔多兩歲大嘅「小飯兜」盡得父母真傳,眼大大皮膚白雪雪好可愛,一向深得網民歡喜!

不過唔知係咪短頭髮嘅關係,媽媽JJ成日話個女比人認錯做男仔…

最近媽媽JJ喺微博上載一張嘅新相,見「小飯兜」拎住奶樽,但細心啲睇,點解「小飯兜」啲瀏海咁古怪嘅?

媽媽爆料話係出自爸爸樊少皇作品,難怪JJ要公開「投訴」老公:「大家評評理!這是她爸剪的頭髮,是不是還不如我? ! ! !」

有唔少網民留言指雖然瀏海係有少少古怪,但好在有囡囡個得意樣搭夠,所以望落都無乜嘢,亦有網民話今次樊少皇要跪洗衫板先解決到件事!

 

 

 

 

 

 

 

 

(綜合報道 / weibo)