【翠如BB無得做嘉賓可能因為佢】爆蕭正楠瘦20磅

     

    翠如BB出席時裝展活動接受訪,講到其丈夫蕭正楠日漸消瘦,問對方是否太掛住她時,她笑言:「係呀!佢係瘦咗好多,但唔係因為我,佢拍緊套劇,角色係一個極貪靚嘅男仔,我未見過佢咁認真,減咗20磅,我都覺得佢瘦得滯,叫佢食番多啲嘢,佢依家夜晚唔食嘢同狂做運動,我都好佩服佢毅力。」

    說到蕭正楠明天與曹永廉開演唱會,翠如指今日買了兩包鹹竹蜂給他們,更笑謂:「一包畀老公,一包畀二奶, 等佢哋好好保養把聲。」

    問會否做嘉賓?她表示:「係喎!佢哋都冇提過搵我做嘉賓嘅!(係咪二奶曹永廉唔畀?)係囉!呢個機會都唔細。」

    看來,曹永廉跟蕭正楠的感情好到連作為老婆的翠如BB都大為呷醋呢!

    (綜合報導/on.cc)

    SHARE