【中秋節必學招數!】Ella陳嘉樺示範「一條牙線極速開碌柚」

今日係中秋佳節,自然要人月兩團圓,同屋企人團聚食飯,仲有食吓月餅同碌柚應節。

已為人母嘅台灣女星陳嘉樺(Ella)早前預先同屋企人慶祝節日。

食食吓碌柚仲忽發奇想,拍片示範極速搣碌柚嘅小秘技兼放上網,大家學嘢啦喂!

片中所見,Ella先將個柚切開並分成四份,之後攞出秘密武器,就係牙線啦!

原來靠佢鎅開表層,就可以輕鬆分開果肉同果皮,就係咁簡單!唔少網民睇完都大呼神奇,紛紛讚呢個方法快捷又見效。

Ella亦得戚地留言:「叫我嫦娥姐。中秋佳節,月圓人團圓,祝福大家心想事成!佳節快樂! #吃柚子當然要準備柚子跟刀子啊#我真的很愛吃柚子#而且我也超級會撥柚子#甘嫦娥什麼事#不知道嫦娥吃不吃柚子#牙線用完還可以剔牙」

 

 

 

 

 

 

 

 

(IG / 綜合報道)