【曾被指係醜女】「西瓜刨」蘭茜變身女神 網民大讚好靚女

淡出娛圈多年嘅前DJ蘭茜(簡詠嫻),其標誌就係一棚哨牙,更曾被貫上「醜女」之名!最令人印象深刻嘅一定係喺《驚天動地獎門人》西瓜刨上身表演刨西瓜!
DJ Donald(唐劍康)於IG上載合照,蘭茜搭住對方膊頭露齒笑,一棚哨牙已經不復見,成個唔同晒,勁有女神Feel,網民都留言:「蘭茜靚女咗呀😆」、「蘭茜夫人啊!靚啊!當年由朝早節目聽到她主持夜晚節目!」Donald又晒出當年舊照作對比,森美個薯仔樣亦成為亮點之一,依家真係型咗好多!
而Donald就話:「緣份(分)到,重遇當年帶住我大的前輩們,將我由一舊飯握成壽司,無私的付出心機和時間,假如有食客覺得唔好味,只因為食材本身有問題,唔關師傅事。以為玩手機玩到無(冇)晒記性,但原來我還記得當年每位前輩的教誨。中秋月圓前,先來共團圓,Happy!」
DJ Donald於網上發文,不少網民大讚蘭茜好靚女!
又上載舊同事的合照,大家認得是誰嗎?
當年蘭茜…
(綜合報道)