中秋節好多家長都會帶小朋友出外慶祝，點可以無燈籠呢？
中秋節燈光燦爛，小朋友都會被各式各樣嘅燈籠吸引住，名模熊黛林（Lynn）昨日就上載咗一對孖女Kaylor同Lyvia玩燈籠嘅相~
家姐Kaylor呢個紅色燈籠好靚喎！
哇……妹妹Lyvia架車車好有型喎~
姐姐Kaylor仲教妹妹Lyvia點玩，兩個唔爭燈籠玩，兩姊妹的確好相親相愛，爲人父母睇到呢個畫面都覺得好幸福好有愛！
大家睇唔睇到佢哋仲着曬姊妹裝慶祝中秋節呢？兩個都著上一條粉紅花花傘裙，外襯白色外套，可愛得嚟又優雅！唔知呢套衫係咪模特兒媽媽Lynn幫手襯呢？
而兩姊妹雖然係孖生，不過越大越唔係好似樣，但就一樣都咁可愛，網民都話好期待佢哋大個咗係咩樣呀！
(綜合報道)
