【B女新照曝光】李亞男爆九個月囡囡係超級大B 肥肥白白

    藝人王祖藍太太李亞男出席護膚品牌活動,戴上寫有「I love you」字眼的頸鏈,冧爆表示是老公送。
    她笑說:「表達愛意,佢成日都好sweet,好感恩,生咗之後都唔可以唔記得對方。(咁你又有咩表示?)我比較生活上貼身啲嘅,做人肉鬧鐘,每日用盡方法叫佢起身,搖佢錫佢,搵阿女叫佢,好多方法,依家有阿女喺度,佢醒得快啲。」
    然後又指囡囡九個月大,是超級大B,又高又肥,她說:「我爸爸媽媽都有嚟照顧佢,畀好多嘢佢食,養到佢肥肥白白,大家都好錫佢,佢又聰明,唔乖時大聲啲話佢,佢就停仲反轉氹番你。」
    問到會否追多個?她說:「都會,希望呢幾年,生男當然好,女都冇所謂。」問到想生幾多個時,她謂要生雙數,2、4、6、8,還笑言生隊足球隊。
    Gabrielle九個月大喇,媽媽李亞男說她是一個超級大B,大家認爲呢?
    至於是否暫時不會工作?她說:「依家工作都少咗,而且想囡囡行先,想貼身睇住佢成長,咁關係會更親密。(湊B有冇壓力,會否令情緒波動?)情緒冇咩波動,開心多啲,囡囡好乖。」
    (綜合報道 / on.cc)
    SHARE