【人奶有幫助】Coffee林芊妤仔仔發高燒出玫瑰疹激瘦五磅:好心痛

林芊妤(Coffee)在尖東出席活動。

Coffee透露11個月大仔仔(花名:伯伯)日前發高燒,近日又出玫瑰疹:「佢瘦咗5磅,好心痛,點解瘦嗰個唔係我…」

伯伯係發住燒過中秋節,好慘!

媽媽Coffee不斷氹伯伯開心

Coffee續說:「我嘗試將佢養番肥,好彩我仲餵緊人奶,因為佢冇胃口食嘢,所以我日日俾佢『chur』到好似乾屍咁,真係好得人驚!」

「人奶對佢有少少幫助,快啲好番,始終可以加強免疫力,如果唔係佢再瘦啲,應該見骨㗎喇!」

Coffee又被問到何時再計劃工作?她說:「可能近排香港氣氛唔好,我都接少咗工作,但OK嘅,多咗時間喺屋企,我好滿足,因為我可以對住個仔。」