【老公搞唔掂】鍾嘉欣仔仔一日4-5次大便 家姐罕有瀨濕床單

鍾嘉欣(Linda)昨日到出席慈善活動,她透露此行專程從加拿大返港開工,一身白衣造型的她比之前更纖瘦,不過左手上顯見一處疤痕,她笑言被指家暴…

她及後說:「之前為仔女舉行生日派對,招待70人,同老公一齊炮製大餐,佢煮牛扒雞翼,我煮千層闊條麵,來回焗爐之間辣陣,自己又衰不斷抓佢,搞到發炎留疤痕。」(相關新聞:https://bit.ly/2mdptuA)

Linda看見一對仔女日漸長大,已經一歲的Jared變成大力士,而三歲家姐Kelly相對細力斯文。

Linda說:「家姐係Mini me,嘉欣BB,對藝術充滿天份,鍾意跳舞唱歌,音準嚇親我。」

「細佬就好知自己要乜,仲一定要得到,成日搶家姐公仔,好大力一手就搶咗,搞到家姐成日都求救,但細佬太細,冇得教住,惟有對家姐作多啲解釋。弟弟不是故意的。」

Linda透露今次回港短短一日半,一對寶貝交由老公照顧,但媽媽一離開子女身邊即收到抗議,Linda說:「Kelly已經返學,已經戒用尿片,但最近竟然賴尿賴濕床單,阿仔平日一次便便,我一走咗就4、5次,老公叫我快啲返去,佢好可憐,但係好經歷同好好回憶,呢啲係而家同將來笑料。」

嘉欣要快點回去喇,一對仔女實在需要你啊!

 

 

 

 

(綜合報道 / appledaily)