【15歲細女痛到大叫】爸爸林海峰:佢痛到好似死老竇咁

DJ林海峰(Jan)昨晚在紅館舉行一連七場棟篤笑,Jan除了大談香港社會現象等政治問題,亦有分享與太太彭羚和兩個女相處的秘聞,他的大女林泳已經19歲,細女林清就15歲,他指有次見到大女着住條又薄又輕又短的裙:「睇到我心都跳埋出嚟!」但他老婆就話:「十九歲係咁㗎啦!」他自詡:「十幾歲嘅𡃁仔我都經歷過,你知依家啲男仔㗎啦,真係好鬼污糟,去完小便唔洗手又周圍抹。」全場爆笑。
 
他又自揭細女經歷女性周期的慘痛情景,他形容個女乸口乸面痛到坐喺度大叫,起初他還以為個女食錯嘢,點知老婆走出來話:「十幾歲嘅細路女,Auntie(月經)嚟係咁㗎啦。」他搞笑說:「佢痛到好似死老竇咁,明明佢老竇即係我生勾勾喺佢面前。」
他又自爆接近更年期,父女間相處注定似「攬炒」一樣,一家人到餐廳食飯,兩個女不肯畀他點菜:「佢哋同阿媽一齊睇餐牌,仲一邊睇一邊對我反白眼,最後咪又係點番平日我點嘅菜。」
Jan連老婆彭羚都照擺上枱,指老婆決定養狗後,他經常見到老婆幫狗狗梳毛,而他自己似變成寵物傳心師,即刻扮狗仔講話:「唔好意思霸住你老婆,你太太真係好手勢,我太太有細路之後乜都冇同我講過,只係會話好眼瞓。」
他又話彭羚仲想將狗仔抱上床一齊瞓,他說:「老老實實三個我係有諗過嘅,但唔係同狗囉。」他笑言喺屋企感受到自己生命正受寵物所影響,他決定以其人之道還治其人之身,每當屋企人不在家,他就幫狗仔梳毛,兩個女一返到屋企就會大嗌爹哋,笑言終於感覺到自己的存在。
(綜合報道 / on.cc)