【產後首現身】新手媽媽樂基兒停餵人奶宣佈仔仔中文名

名模樂基兒(Gaile)出席開幕活動,產後5個月的她身穿花花連身短裙,大晒吸睛長腿,在台上時笑指囝囝現時排第一位。
她透露日前從美國返港:「我媽咪想照顧BB,順便喺美國搞我嘅Birthday party加BB嘅Welcome Party,依家仲有啲Jet lag!」
講到囝囝現時五個月大,前日第一次打針發燒,作為新手媽媽的她自然大為緊張,她說:「我有上網睇定要點做,幫佢探熱、用凍水敷額頭,不過佢依家已經好番!(有冇人幫你手?)媽咪坐月時有幫忙,當時屋企太多人,依家朝早有helper,夜晚有保姆。」
至於老公Ian,樂基兒說:「佢好早已經幫手餵奶,Weekend就係Daddy Mummy Day,會帶BB去商場行吓。(BB有冇請老公『飲茶』?)試過好多次,所以依家知道要遮住先。」
她坦言成為人母後變化大,現時將大部分時間都放在囝囝身上,疲倦與開心並存,更自言猶如重生一樣。問到開工會否捨不得囝囝?她說:「今日化妝整頭都有帶埋佢,但佢瞓咗就返屋企先。」
此外,她更透露目前已停餵人奶:「好早已經停餵人奶,但個腦都好攰,好多嘢要擔心,佢愈嚟愈大開始識攞嘢。」問到會否追女湊夠好字?她直言:「暫時冇打算,好enjoy同囝囝相處。」
她同時又分享囝囝中文名為「朱樂其」,樂在其中的意思,由爺爺親自改名,而英文名則是「Hunter Ethan Chu」,代表好動又愛家。
(綜合報道 / on.cc)