【顏料遮臉會犯禁蒙面法】黃夏蕙化開濃妝：化淡妝見大家

黃夏蕙平常愛玩cosplay，最愛濃妝示人，政府昨日引用《緊急法》訂立《蒙面法》，蒙面法將於10月5日起實施，在釋義部份列明，「蒙面物品（facial covering）」指面罩、或「任何其他遮掩某人面部（全部或部份）」的任何種類物品，顏料亦包括在內。

黃夏蕙稱未有留意通過《蒙面法》，不過有機會化濃妝上街都「出事」，她今日回覆《蘋果》時說：「如果化濃妝唔得，咁我咪化淡妝見大家，唔緊要，乜都和平安全，而家咁我都冇心情化妝，如果覺醜樣，我咪唔見人，唔出街囉。」

不過警察執法卻容許蒙面，完全有不公平，黃夏蕙說：「我冇意見，我對而家情況真係冇意見，令大家好傷心，我唔想咁多人受傷，講句真心話，我愛香港，我愛同胞，我愛和平，希望有乜事大家坐講低講，唔好用武力，要珍惜生命，以和為貴，一個都唔應該有事，大家自己人，點解要互相殘殺。」