【影帝下世想做歌手】任達華讚拍檔惠英紅身材好 被駁:我啲脂肪夠你食過世 

影帝任達華與影后惠英紅為新片宣傳,從影多年,二人已經合作過無數次,任達華坦言與惠英紅好有默契,但當稱讚惠英紅身材好時,紅姐卻立即幽默回答:「我隱藏得好啫,我啲脂肪夠你食過世呀!」
惠英紅去年首演舞台劇,反應佳,而當問到任達華可有興趣踏上舞台;他說:「兩個系統嚟,我未有根基,演舞台劇同拍戲唔一樣,我要搵個老師學下先。」
對於任達華的謙虛,惠英紅即講出自己的感受:「依家啲新派舞台劇,唔需要誇張,我都好快習慣,同大陸有啲十五、六張紙嘅劇本,一次過拍有啲相似,只要畀心機去綵排,任何人都可以做得到。」
任達華依然希望先裝備好才嘗試新範疇,並搞笑說自己下一世想做歌手,可惜只空有台型;惠英紅亦笑說:「我都係,但呢啲真係要資質,我耳仔唔好,做唔到歌手。」
(綜合報導/on.cc)