【夏雨仔唔認分手 稱對住出面人先Sweet】曾被視爲「準新抱」冷笑回應

夏雨兒子黃奕晨(Dixon)一直都與女友甜甜蜜蜜拍拖,感情一向好穩定,不少人都認爲他們確實是對方的終身伴侶,直入結婚大路。
女友Cheronna(吳嘉熙)亦曾參與夏雨一家的加拿大旅行度假,看來女方早已融入家中。夏雨接受訪問時,一講準新抱Cheronna不時臉露笑容。
但最近有消息指,原來夏雨仔仔黃奕晨(Dixon)已經在8月時已分手,結束兩年情,有指分手前二人曾「吵大鑊」,最終反面收場。
有爆料者指二人的分手原因是Cheronna搭上同Dixon共同好友電台DJ阿檸(薛晉寧),早前更一起共赴英國出席朋友婚禮,完全不避忌表現親密。
兩人不時公開晒愛,還視對方為結婚對象,但卻經常為小事爭執,不過最後通常和好,直至月前為一件「大事」發生激烈爭吵,就此大家玩完,社交網已未再上載放閃合體相。
期間Dixon只放獨照更寫下傷感留言:「當覺得人生去到低處,唔使唔開心,因為低處未算低」,又說:「當有啲事返唔到轉頭,我哋可以做嘅只係去懷緬一下。」似乎仍未將感情放低,難怪日前Dixon接受訪問時,直認和Cheronna已半個月沒見,但就不肯承認已分手,只說之前曾有爭吵:「少見因為各有各忙,佢要忙唱片同去英國出席朋友婚宴,我忙緊爸爸套電影外,又要代爸爸返加拿大陪媽咪一段時間。(女友冇飛嚟加拿大探伯母?)要佢坐十幾個鐘頭機太辛苦。」問分手傳言?他說沒有分手,但未來半個月也不會再見,因他要飛往丹麥,而女友又要再出席朋友婚宴,期間僅以電話聯絡。
當時他被問到是否因結婚問題上吵架,他坦言兩人都有脾氣,導火線亦非婚事:「佢有時(脾氣)都激激哋,係為小事鬧啫,依家都冇事啦,我哋都拍咗兩年拖,所有濃情都變感情。(分手男女先會講呢句說話?)唔係(分開)!(你哋平時表現好Sweet喎?)對住出面人先Sweet啫。」
又指就算和女友不見一個月也不擔心被人拗牆腳,很自信謂:「我都好吸引,佢都係。」並再三表示和Cheronna沒有結婚計劃,雙方有共識工作為先,而他事業上亦有新路向。
至於Cheronna,她表示不回答感情事,但聽到Dixon不肯認分手,她就冷笑一下:「係呀?」並帶笑說:「跟佢答案咪得囉!我就唔回應。」
由始至終她都未有否認分手,由於有指Cheronna「劈腿」,之後她在微博索性自爆「被飛」與Dixion已分手個多月。她説:「分手唔係我提出,話我一腳踏兩船唔係事實,同阿檸絕對冇發展可能。」

(綜合報道 / on.cc)