【激烈咀咀戲】張頴康爆老婆之後唔比錫 馮盈盈話寶寶心靈已受創

藝人張頴康到將軍澳出席新劇《解決師》首播飯局,講到昨晚電視播放了他跟馮盈盈一場超激浴室親熱戲,他笑言並不享受。
他說:「地方又細,天氣又凍,拍足幾個鐘,拍完個背都好痛,盈盈就話佢皺晒皮,點Enjoy?(咬埋耳仔喎!)係呀!因為好多近鏡,我可以畀人摸嘅地方都畀盈盈摸晒。」
他直言不知道會先播放這場戲肉,並指劇中尚有一場睡房戲:「拍咗場睡房先,當時盈盈話唔好錫嘴,驚男友嬲,我都輔導咗佢成個月,但當晚搞到半夜四點,仲唔拍就收廠,所以唔理佢點喇!照掟佢落床。」
問到老婆睇片後反應,他表示表面上冇嘢:「但瞓覺佢唔畀我錫呀!通常我同女演員拍完親熱戲,佢都唔畀錫,都要隔一日先再錫得。」
而盈盈直言當時跟男友「寶寶」一同睇電視,兩人嚇到齊聲尖叫,她又指男友反應超大:「雖然有同佢講過,但始終睇嘅又唔同,我都有盡力安撫佢,佢都失晒魂,唔知係咪心靈受創傷,惟有當係一個似我嘅人,之後佢去咗打機平伏,」
她笑言這個月都要做一個絕世溫柔好女友,對男友有求必應當補償,並指今次算是其性感極限。
(綜合報導/on.cc)