天王郭富城上月與內地女模方媛（Moka）拉埋天窗後，城城都好快投入工作，認真忙碌。早前城城亦都話希望太太可以適應香港嘅生活，同喺香港識多啲朋友，咁又係嘅城城工作咁忙，成日唔喺香港陪到佢，識多啲朋友都係好事。

尋日Moka喺社交網上載同友人嘅合照後，今日又同網友分享做家庭主婦嘅點滴，仲大晒三菜一湯嘅相，佢留言話：「今日變身家庭小主婦，一個多小時弄出來的三菜一湯 家常菜很健康。」嘩！一個鐘就整到三餸一湯，呢位新手人妻果然厲害，唔少網友都大讚城城真係好幸福，仲話唔通今日城城同Moka兩公婆橕枱腳，所以Moka預備得咁豐富，真係So Sweet！

最留心是她竟然用上報紙當枱布，墊著來食飯，令人意外是城城咁潮的人，仍咁舊式用報紙舖枱，估計這是老婆Moka的主意，相當環保﹗