【餵奶餵到人都瘦】唐詩詠大呻每朝6點餵奶:頂唔順了

藝人唐詩詠以低胸連身裙出席2019東方表行沙田錦標「時尚煲呔賽馬日」,但見她的裙好像有點鬆,其後揚言自己瘦了。
她解釋近日收養了一隻BB貓,每三小時就要餵奶,因而跌磅:「隻BB貓仲有12日就兩個月大,每日都要好早起身,朝早6點起身,依家我養三隻貓,每日都輪住餵佢哋,依家好似奶媽。」
詩詠又透露還打算養多四至六隻貓,當記者問到是否沒時間拍拖,但她未聽完即話:「係咪生BB?我覺得如果生埋小朋友完全冇時間,其實隻貓係陸永太太畀我。」
她說今日活動後要趕回家看貓,笑言現在連街都出不了,識不到人,記者問到隻貓是否阻她桃花?她笑言:「佢可能係招財貓呢。」
佢日後話識男仔要過三關:「要問我三隻貓。(鍾意寵物加分?)一定要鍾意貓,試過帶個男仔返屋企,我Feel到老嗰隻貓「銀仔」唔鍾意,所以一定要佢哋鍾意。」
(綜合報導/on.cc)