【想威比仔女睇】張繼聰將傷劫誇大10倍 想博老婆會呵返

藝人張繼聰出席演電影《犯罪現場》首映禮,張繼聰透露在片中有不少開槍戲,拍攝時拍了個多星期後,令到頸部好像「瞓捩頸」一樣。
他就說:「古天樂、張家輝、劉青雲揸槍真係好有型,自己真係見到同佢哋嘅距離,如果再有機會拍警匪片,真係要加入槍會學揸槍。」
張繼聰被問到太太謝安琪可有安慰他?
他笑說:「我自己每次都會將啲傷勢誇張十倍,都係想老婆關心吓,同埋喺啲仔女面前炫耀吓,等個仔大個啲都想帶佢去片場睇吓,等佢知道爸爸工作幾辛苦,同埋等佢見識多啲,知道唔同崗位,欣賞各行各業嘅工作。」
張繼聰真的是位「大細路」,不知道老婆謝安琪會否哄下老公呢?
(綜合報導/on.cc)