【被問到BB性別…】41歲大肚楊思琦承認之前無呢個情況:老公有叮囑

    41歲楊思琦早前承認再有喜,並驚爆已於今年年中與圈外男友在外地註冊,不過思琦暫時未有停工休息,昨晚在尖沙嘴出席活動,身穿deep V晚裝的思琦明顯上圍升cup,臉蛋手臂依然不變,思琦說:「感覺到件衫想爆開,有向橫發展感覺,上身好重,升咗唔止一個cup,總之好重吓,內衣都唔啱着,要再買過晒,舒適為主。」

    思琦今次陀b比之前辛苦,可能忙於工作經常飛去外地,有時會頭暈作嘔,她說:「可能狀態太攰,之前就冇呢個情況,預計11月仍要坐飛機去外地工作,之後會減少出埠,但冇限定幾時停工, 輕量工作會繼續,只係盡量唔好咁趕,例如來回即日可以分為三日,老公都有叮囑一切小心,節奏慢啲,平時我會行得好快。」

    思琦老公身份仍未曝光,也沒有陪伴在側工作,思琦說:「我哋各自努力。」至於第二胎性別,思琦故作神秘,承認已經知道腹中塊肉是男是女,但稍後才公佈,囡囡知道將會做家姐但未知細佬妹性別。

    她被問到是否佗B仔辛苦一點,她就說可能休息唔夠,之前飛得太密。

     

     

     

     

     

    (綜合報道)

    SHARE