【要封肚!】胡諾言大爆想生多個 大女陳琪同一陣線:夠喇

    媽媽陳琪帶同長女胡芷苓到米埔出席慈善跑活動,育有兩女一子的她表示,因曾帶過二女胡芷悠來過米埔,故今天只帶大女前來活動;
    因為她說無能力一次過帶三個子女出街:「唔見咗一個點算,除非同老公一齊先帶齊三個仔女,我好黐老公,我唔係表面咁強嘅。」
    她又提到早前和細仔胡澔錕慶祝三歲生日,老公胡諾言曾提議差不多再生第四個小朋友;
    她即說:「唔好啦,我問佢乜唔怕換尿片咩,佢講到好輕鬆咁!」連芷苓也反對不想媽媽再生,除呷醋及怕屋企太嘈外,另一原因是擔心媽媽太辛苦
    女女即刻話:「媽咪要幫我哋溫習,細佬妹病時又要照顧佢哋,唔得閒理我。」
    陳琪亦謂自己讀了很多次書,仔女考試如自己考試一樣。她透露讀國際學校的女女明年升中一,女兒想自己返學,但她又不放心;
    陳琪謂:「唔同我哋以前細個,以前我讀二年班自己返學,依家唔得。」仍然堅持接送女。
    (綜合報導)
    SHARE