【孖胎最好】兩子之母諸葛紫岐勁擔心:唔想第三胎都係仔

    名媛諸葛紫岐(Marie)與Neway太子爺老公薛嘉麟(Ernie)現身馬場,近來甚少出席社交活動的Marie透露最近忙湊兩名兒子,但不算很辛苦:「大仔要返學,佢返全日,所以都OK。(大仔有冇蝦細佬?)冇,佢好錫細佬,細佬肚餓,佢就會幫手餵奶,換片都識,完全冇問題。(有個好幫手?)係,我教得都唔錯。」
    問到會否有意追女?Ernie笑言要問大仔,但Marie就稱不想再追:「我想生女,但追多個都唔係女咁點算?(唔係又再追?)唔好咁對我,做媽咪好辛苦(唔會封肚住?)好難答,我係想有個女。(試吓靠食療生女?)冇用㗎!我有朋友生咗四個仔,佢靠食療追女,但第五個都係仔,好慘,雖然係開心,但好嘈,小朋友打來打去,佢叫我唔好諗(靠食療),放鬆啲。」寵妻的Ernie認為順其自然,太太喜歡怎樣就怎樣。
    相關新聞:
    【網民:兩公婆演技太好】諸葛紫岐被逐點揭發 被指揾代母生第二胎 https://bit.ly/2PJEJMn
    【傳搵代母生B】諸葛紫岐話…  https://bit.ly/34oE7Qp
    另外,講到馬匹,Ernie稱擁有團體馬,問到會否以自己名義再養?他笑謂:「養好個仔先,教小朋友要好多心機、時間同精神,要同佢哋有互動,唔係我教佢哋,而係佢哋教我點互動。」
    Marie指大仔現時五歲半,經過每事問,不時會問些很複雜的問題,她不能敷衍作答,而為照顧小朋友她也少了出席活動:「大仔都OK,但細仔又嚟,生孖胎最好,可以一次過,好羨慕人哋可以生孖胎。」
    (綜合報道 / on.cc)
    SHARE