賭王何鴻燊今日98歲生日，四太梁安琪到養和醫院為賭王慶生，榮升嫲嫲的她心情靚爆！
（資料圖片）
講到聯同仔女孫仔女和賭王慶生，她表示：「多謝大家關心，我哋一齊為佢打氣，為佢祝福，祝賀何生身體健康，壽比南山。今日我哋都好開心，一班小朋友、孫仔女、新抱都有嚟同佢切蛋糕。」
（相關新聞：【奚夢瑤發文改口叫爸爸】誕第五代長孫 何猷君首晒B仔B女 https://bit.ly/35zRdLA）
問到送了甚麼禮物，四太表示：「佢哋買咗啲圍巾，頭先我睇到囉！帽呀，等佢啱用啲，始終天氣開始涼。（何太你送咗咩禮物畀何生？）買咗蛋糕啦，你知啦何生乜嘢都唔缺，都有好多愛畀佢，我哋大家一齊畀多啲愛佢。」
（資料圖片）
提及到今年賭王有一班孫仔女一齊過生日，是否特別開心？四太回應：「係呀！係呀！所以特別開心。（知唔知何生有咩生日願望？）願望就係大家身體健康，世界和平，齊齊贏啦，你知佢做呢行嘛，咁梗係希望贏，大家都贏，開開心心。」
四太透露新抱奚夢瑤有一起到場老爺慶祝生日~
(綜合報道)
